جبل من طين

أنا مش بحب أكتب بالعامية بس قلت أجرب طريقة جديدة في الكتابة ..

    مقدرش أقول إني زهقت ، رغم إني موجود من قبل متبقوا موجودين ، مع إن ممكن بحكايتي انهيلكم كل المشاكل و كل الحيرة بس حيبقى فيين المتعة في كده لو انتوا مش حيرانين ، كده كده مش بتعيشوا قد أجدادكم دلوقتي بقى عمر الحضارة بعمر شخص واحد من أجداد أجدادكم .. الحقيقة كتير بستغربكم بس عادي ما أنتوا بقيتوا متعرفوش غير الي عينيكم شايفاه و بتتكلموا على الوجود رغم إن كل العين تقدر تشوفوا هو أصغر جزء في الوجود .

    حكايتي ححكيها مش عشان زهقان أنا لسه مكمل حتى بعدكم ولو في شكل مختلف بس الفكرة انكم كبشر بقيتم تيهين فبقيتم مملين فقدتم الأمل في الإنسانية ففقدتم هويتقم فأنا بسلي نفسي لحد ما حد يفوق .. حكايتي بتبتدي لما كنت جبل مش حقول فين ولا امتى خليكم فحيرت : " بقلنى كام سنة سبع ألاف سبعة مليون ولا كام ؟ إحنا أول كائنات ولا فيه قبلنا ؟ بشر ؟ جن ؟ فضائيين ؟ مش حقول لكم عشان بستمتع بالحيرة بتاعتكم دي عشان ساعات بتطلعوا نظريات غريبة تضحك ، المهم أنا حبتدي من " آدم و حواء " أنا مشفتهمش عشان مكدبش هما نزلوا في مكان بعيد عني بس الأرض كلها أترجت للخبر و خافت من التغير و التجديد .. جن تايه .. شيطان غضبان .. الحيوانات خايفه و المياه بتجري في حركة زي كل الكون و كلنا مستنيين .. ومع زيادة عددكم و نفرت الأرض من دم هابيل و فارت مع دموع آدم و هدت مع ضحكة طفل جديد و قصة القتل عرفينها لأنها لسه بتحصل كل يوم و كل أخ بيقتل أخوه حتى مش بالدم ساعات قتل الحب ناحية أخوك بيبقى مفيهوش رحمة أكتر من القتل الي فيه دم لو تعرفوا !! مقدرش اقول مكرهتكمش فترة ساعت ما اتقتل عليا أول أخ وأغتُصبت أول أخت ولو كنت أقدر كنت " أتربقت " على دماغكم بس ربنا رحمكم !

     ولا انسى أول بوسة الي رغم جمالها قامت حرب، بس منساش شكلهم و هما دخلين جوايا و ازاي خفت.. آه خفت يقتلها يغتصبها أو خفت تدبحه ما كتير تحصل وأخاف منه وتقتله هي ! خفت من قوته خفت من كيدها بس المره دي الوضع كان مختلف .. كان بيحبها و كانت بتحبه و كانوا بيهربوا من كل حاجة عشان بس يفضلوا بصين فعين بعض حبهم كان أكتر من لحم و دم حبهم كان نغم .. آه نغم مأ أنا اعرف النغم من قبلكم من العصفور و المايه و الشجر و الرعد كل ده ليه نغم بس انتم الي مبقتوش للأسف تحسه بيه ، بس في عنيهم  شفت و سمعت النغم ده و استغربت بس انه يطلع من الي قتل و ساعتها عرفت انكم مختلفين و ابتديت أخد بالي فرق الي قتل و الي اتقتل .. حبهم قدالي أمل وكنت بستنى كل مره يجولي لحد ما خفت الأمل يموت لما بنت تانية مستحملتش السعادة تكون مش ليها و آه لو تعرف ان عمرها ما حتلاقي السعادة في تعاسة الناس و ده الي حصل لما قتلت البنت الرقيقة و يارتها كانت تعرف انها مش بس قتلت البنت لأ هي السبب في موت كل الناس الي ماتت في حرب عشان البنت بس هي كمان قتلت الحب ، الحب الي بنهم .. آه نهم ما أنا أعرف النهم من قبلكم شوفته في الحيوان بس افتكرت انكم مختلفين وبعد سنين لما دخل جوايا دول مشفتشف الحب لأ شميت النهم البوسة كانت مختلفة مكنش فيها البراءة الإحساس جديد معرفتش أحبهم مكنتش بستناهم بش مكنوش بيتاخروا و فجأة مبقتش أشفهم و بعد شهور جاتلي بس كانت لوحدها أصلها حملت ومبقاش يحبها جاتلي تحول تفهم بس ماتت جوايا و مات معاها حاجات كتيير و دعيت ربنا و اتشق من جوايا نهر .. آه نهر معرفش منين جاه النهر من جوايا أنا جبل و أكيد دي مش دموع بس محاولتش أفهم زي ما محولتش أفهم ازاي الطفل عاش و ازاي الأم ماتت و الأب عاش و ازاي كان صوت البكاء عالي و أنا جبل ولا ده كان بكاء أهل القرية ولا يمكن أرض القرية نفسها لما نزلت جثتها على أرضها ماهي كمان الأرض بكت أصلها كانت عرفة ات دي مش أخر مره .. اه مش اخر مره

    اتفجرت .. معرفش ده بسبب الشق الي حصل فيا بعد البكا على البنت ولا .... ايه ؟ ىه قلت اتفجرت ، معلش نسيت أحكيلك عنك لما ابتديت تطور أو بمعنى أصح تتأخر أصلك زمان لما كنت بتستخدم عقلك كنت متطور انما دلوقتي و انت كل حاجه حواليك بتطور و انت أقصى حاجه تستخدم التطور تبقى بتتأخر ، كنت متطور لما عرفت عقلك و الطبيعة حواليك و حبتها فحبتك بس لما جيت تتعوج عليها قتلتك و افتكرت انك ممكن تهزمها بس حيجيلك يوم وتبكي على الي راح منها ! متستغربش من النغم أنا اه حجر بس منستش الي اتعلمته.. اه حجر متنساش ان مش كل الي اتكسر ممكن يتصلح ولما قلت انفجرت لازم تاخد بالك اني مبقتش خلاص جبل بقيت أصغر بس الفرق اني عارف اني حجر لما بقيت أصغر عكسك رغم انك صغير بتحاول تعمل كبير و مش بتدور على الي يفيدك بتدور على الي يخلي شكلك كبير و تحاول تعمل جبل و انت مجرد حجر بس شبهي في حاجة تانية ان احنا من أصل طين بس الفرق ان مفرقش معايا لوني أبيض مع التلج و أسود مع الطين و أصفر مع التراب و أحمر في بلد تانيه بس عمرها محتفرق حتكبر على مين !

    شبهي في ايه تاني ؟ شبهي لما بتبني بيا و تعمل مبنى و يعدي الوقت و يتهد فتنقل الحجر بلد تانيه بفلوس .. آه فلوس ما أنا أعرف الفلوس أصل كتيير من الدم كان بسبب الحب أو الحقد أو .. الفلوس آه الفلوس الي خلت حجر يبقى ليه سعر الدهب و حجر يتشاط بالرجليين .. لا أنا مش بقلل من الحجر بس أنا أصلي طين و بالنسبالي السعر الحقيقي مش مبنى على شكل تنين لكن في يد طفل صغير بيحرر نفسه من عسكري جبان لعين .. آه يا طين .. 
  
                                                                                       علي صيام

عيد بأي حال جئت يا عيد ؟

   لا يهم إن كنت من المهتمين بالعام الجديد أم لا ،لكن دعنا نتفق أنه مر سنة على رأس السنة الماضية و مرت سنوات تبدأ 

بشعار " متجيش لو جيه وحشة زي السنة دي " لكن البعض منا كانت السنة الماضية من أجمل سنوات حياته و البعض كانت 

لهم الأسوأ و اخرين ليست مهمة فكل السنون لهم لا تختلف فهي دائما مملة.

   الأن أريد أن أطلب منك شيئا ولا أهتم أن تكون صريحا معي فلن أسمع أفكارك وقت ما تقرأ هذا الكلام لكن أريد منك أن تكون 

صريح مع نفسك و تتذكر رأس السنة الماضية و ما كانت أحلامك و أمانيك للسنة الجديدة غير أن تكون سنة سعيدة( و تعدي 

علي خير و تنجح في الشغل أو الكلية ....) فليس هناك سنة بأكملها سعيدة لكل الناس أو تعيسة على كل الناس ف "رب ضرة 

نافعة " كما يقولون و لكنها تتفاوت ولكن - إن كنت صريح مع نفسك - ستعرف لماذا كانت سنة سعيدة لك أو حزينة فبإختصار 

أنت كنت صانعها .. أنت السنة الجديدة فاليوم هو أمس الذي خشيناه و السنة الماضية كانت مستقبل من سنتين لذا تذكر رأس 

السنة و أفكارك فيها و إن كنت عملت فعلا من أجلها فإن كان نجاح فهو لك مستحقا و إن كان إخفاق فأنت جانيه ، فأنت الأن 

تقف حيث دفعتك أفكارك أمس و ستقف غدا حيث أفكارك و أحلامك و ما تعمل من أجله اليوم ، فإن لم تكن مهتما فلا تتوقع جديد 

و إن كنت تركز فقط على همومك فلا تنتظر أي سعيد و إن كنت تحلم و تطمح ولا تيأس فهنيئا لك كل رغيد ، لذا إن فاتتك رأس 

السنة للتمني فلا يهم فكل يوم تحياه يصلح أن يكون رأس سنة تبدأ منها ضربا عرض الحائط يأس الحياة فقط كل ما عليك أن تبدأ 

و تحلم و تفكر ولا تيأس فلوما كانت الظلام لما كان لنور الشمس معنى و تذكر .. المستقبل أنت صانعه ..

                  

                                                                                                   علي صيِِـــــام